«Barselona» darvozaboni Mark-Andre Ter Shtegen, «Leganes»ga (2:1) qarshi o‘yinda muxlislar tomonidan jamoaga qarata amalga oshirilgan hushtakbozlikdan norozi bo‘ldi.
«Barselona»ga qaratilayotgan hushtakbozlikni tushunmayapman. Biz og‘ir haftadan so‘ng g‘alaba qozondik. Bizga muxlislarning daldasi kerak, ayniqsa uyda. Chunki biz birga g‘alaba qozonib, birga yutqazamiz.
Albatta kamchiliklarimiz bor, bu tabiiy hol. Endi jismoniy kuchimizni tiklab olishimiz shart, sababi kelasi haftada bizni muhim o‘yin kutmoqda.
«Leganes»ga qarshi o‘yin oson bo‘lmadi, biroq yakunda gol urib, g‘alaba qozonganimizdan xursandmiz» - dedi darvozabon.
