Osiyo Chempionlar Ligasi–2017 turnirining “H” guruhi 2-turidan o‘rin olgan “Jiangsu Suning” (Xitoy) va “Adelaida Yunayted” (Avstraliya) klublari o‘rtasidagi o‘yinga rasmiylar tayinlandi.
Uchrashuv bosh hakami o‘zbekistonlik FIFA referisi Ravshan Ermatov bo‘ladi. Unga qanotlarda Abduhamidullo Rasulov va Jahongir Saidov yordam beradi. OFK to‘rtinchi hakam vazifasini filippinlik Daypuyat Klifford Postanesga yukladi.
Uchrashuv komissari – Muhammad Said Al Masri (Suriya). Hakamlar nazoratchisi vazifasini qatarlik Hani Tolib Safar bajaradi.
“Jiangsu Suning” – “Adelaida Yunayted” uchrashuvi 1 mart kuni Nankin shahridagi Nanjing Olympics Sports Center bo‘lib o‘tadi. Uchrashuv mahalliy vaqt bilan 19:35 da boshlanishi rejalashtirilgan.
Ma’lumot uchun, Ravshan Ermatov OCHL–2017 turniri “F” guruhi 1-turidan o‘rin olgan “Vestern Sidney Uonderers” (Avstraliya) – “Urava Red Daymonds” (YAponiya) uchrashuviga bosh hakam etib tayinlangandi. Mazkur o‘yin bugun bo‘lib o‘tadi.
