Bugun Toshkentda navbatdagi nazorat bahsini Termizning «Surxon» jamoasiga qarshi o‘tkazgan «Dinamo» klubi qiziqarli kechgan bahsda 3:2 hisobida g‘alaba qozondi.

O‘yinni hujumkor boshlagan vakillarimiz 14-daqiqada jamoamiz ko‘rigida bo‘lgan buxorolik futbolchi Sardor Sulaymonovning goli evaziga hisobni ochgan bo‘lsa, taym yakunida raqiblar Nizom Norovning goli evaziga muvozanatni tiklashdi, 1:1.

Ikkinchi bo‘limni ham hujumkor boshlagan «dinamochilar» 49-daqiqada yana hisobda oldinga chiqib olishdi. Iskandar Xolmirzayev belgilangan 11 metrlik jarima zarbasidan unumli foydalandi, 2:1.

72-daqiqada esa jamoamizning yana bir yarimhimoyachisi Jasur Azimov o‘z goli bilan oradagi farq ikkitaga yetkazdi, 3:1.

Bu golga javoban ko‘p o‘tmay, Termiz klubi a’zolari Botir Xolliyevning goli bilan javob bera olishdi, yakuniy hisob - 3:2.

Nazorat o‘yini. Toshkent.

21 fevral (seshanba)

«DINAMO» - «SURXON» - 3:2 (1:1)

Gollar: Sardor Sulaymonov 14, Iskandar Xolmirzayev 49 penaltidan, Jasur Azimov 72 – Nizom Norov, 43, Botir Xolliyev 77.

«Dinamo»: Mixail Naumov, Hakimxon A’lamxonov, Aleksey Nikolayev, Akmal Bozorov, Firdavs Abdusalimov, Abdujamol Isroilov, Iskandar Xolmirzayev, Jasur Azimov, Javohir Qahramonov, Abdumalik Abdullayev, Sardor Sulaymonov.

Ikkinchi bo‘limdan maydonga tushganlar: Rustam Toshturdiyev, Komil Sharofutdinov, Asomiddin Mamatov, Amirjon Safarov, Diyor Malikov.

«Dinamo» jamoasi Toshkentdagi ikkinchi yig‘in doirasidagi to‘rtinchi uchrashuvni 22 fevral kuni Namanganning «Navbahor» klubiga qarshi o‘tkazishadi.