Бугун Тошкентда навбатдаги назорат баҳсини Термизнинг «Сурхон» жамоасига қарши ўтказган «Динамо» клуби қизиқарли кечган баҳсда 3:2 ҳисобида ғалаба қозонди.
Ўйинни ҳужумкор бошлаган вакилларимиз 14-дақиқада жамоамиз кўригида бўлган бухоролик футболчи Сардор Сулаймоновнинг голи эвазига ҳисобни очган бўлса, тайм якунида рақиблар Низом Норовнинг голи эвазига мувозанатни тиклашди, 1:1.
Иккинчи бўлимни ҳам ҳужумкор бошлаган «динамочилар» 49-дақиқада яна ҳисобда олдинга чиқиб олишди. Искандар Холмирзаев белгиланган 11 метрлик жарима зарбасидан унумли фойдаланди, 2:1.
72-дақиқада эса жамоамизнинг яна бир яримҳимоячиси Жасур Азимов ўз голи билан орадаги фарқ иккитага етказди, 3:1.
Бу голга жавобан кўп ўтмай, Термиз клуби аъзолари Ботир Холлиевнинг голи билан жавоб бера олишди, якуний ҳисоб - 3:2.
Назорат ўйини. Тошкент.
21 февраль (сешанба)
«ДИНАМО» - «СУРХОН» - 3:2 (1:1)
Голлар: Сардор Сулаймонов 14, Искандар Холмирзаев 49 пенальтидан, Жасур Азимов 72 – Низом Норов, 43, Ботир Холлиев 77.
«Динамо»: Михаил Наумов, Ҳакимхон Аъламхонов, Алексей Николаев, Акмал Бозоров, Фирдавс Абдусалимов, Абдужамол Исроилов, Искандар Холмирзаев, Жасур Азимов, Жавоҳир Қаҳрамонов, Абдумалик Абдуллаев, Сардор Сулаймонов.
Иккинчи бўлимдан майдонга тушганлар: Рустам Тоштурдиев, Комил Шарофутдинов, Асомиддин Маматов, Амиржон Сафаров, Диёр Маликов.
«Динамо» жамоаси Тошкентдаги иккинчи йиғин доирасидаги тўртинчи учрашувни 22 февраль куни Наманганнинг «Навбаҳор» клубига қарши ўтказишади.
