Toshkentning “Lokomotiv” jamoasi 20 fevral kuni Osiyo Chempionlar ligasi ilk tur uchrashuvida Saudiya Arabistonining “At-Ta’vun” jamoasiga yutqazdi.
Toshkentga qaytib kelgan “temiryo‘lchilar” bugundan mashg‘ulotlarga kirishishdi. Jamoa “Lokomotiv” stadionida mashg‘ulot o‘tkazdi va oldindagi “Al-Ahliy”ga qarshi bahsga tayyorgarlikni boshladi. Mashg‘ulot jarayonida barcha ishtirok etdi. Bugun asosan to‘p bilan muomala mashqlariga alohida e’tibor qaratildi.
Mashg‘ulot yakuniga yetgach, bir qator o‘yinchilar qo‘shimcha ravishda darvoza tomon zarba yo‘llash mashqlarini bajarish uchun qolishdi va Ignatiy Nesterov darvozasini ishg‘ol etishga urinib ko‘rishdi.
