Тошкентнинг “Локомотив” жамоаси 20 февраль куни Осиё Чемпионлар лигаси илк тур учрашувида Саудия Арабистонининг “Ат-Таъвун” жамоасига ютқазди.
Тошкентга қайтиб келган “темирйўлчилар” бугундан машғулотларга киришишди. Жамоа “Локомотив” стадионида машғулот ўтказди ва олдиндаги “Ал-Аҳлий”га қарши баҳсга тайёргарликни бошлади. Машғулот жараёнида барча иштирок этди. Бугун асосан тўп билан муомала машқларига алоҳида эътибор қаратилди.
Машғулот якунига етгач, бир қатор ўйинчилар қўшимча равишда дарвоза томон зарба йўллаш машқларини бажариш учун қолишди ва Игнатий Нестеров дарвозасини ишғол этишга уриниб кўришди.
