Yevropa chempionlar ligasining nimchorak final bosqichida navbatdagi o‘yinlar bo‘lib o‘tdi. Ketma-ket 3 yildan beri Yevropa ligasida g‘oliblikni qo‘lga kiritayotgan "Sevilya" o‘z maydonida Angliya chempioni "Lester"ni qabul qildi.

Xorxa Sampaoli shogirdlari uchrashuvni o‘z nazoratlari ostida olib borishdi. Ular har ikkala bo‘limning o‘rtalarida Sarabiya va Korrea tomonidan urilgan bittadan gollar evaziga "Sevilya" o‘zi uchun qulay hisobni yuzaga keltirgandi. Biroq 73-daqiqada Vardi hisobni bittaga qisqartirishi oqibatida o‘yindagi intriga saqlanib qoldi.

Javob o‘yini Lester shahrida bo‘lib o‘tadi. Chorak final yo‘llanmasi taqdiri ana shu o‘yinda hal bo‘ladi.

YECHL, nimchorak final, dastlabki o‘yin
Sevilya Ispaniya – Lester Angliya 2:1 (1:0, 1:1)
Gollar: 1:0 – 25 Sarabiya, 2:0 – 62 Korrea, 2:1 – 73 Vardi.
Sevilya – Riko, Mariano, Rami, Langle (Karrisu, 55), Eskudero, Nzonzi, Nasri, Sarabiya, Korrea (Iborra, 63), Vitolo, Yovetich.
Lester – Shmeyxel, Simpson, Morgan, Xut, Fuks, Ndidi, Drinkuoter, Musa (Grey, 58), Marez, Olbrayton (Amarti, 88), Vardi.
Ogohlantirishlar: Eskudero (77), Karrisu (90).