Европа чемпионлар лигасининг нимчорак финал босқичида навбатдаги ўйинлар бўлиб ўтди. Кетма-кет 3 йилдан бери Европа лигасида ғолибликни қўлга киритаётган "Севилья" ўз майдонида Англия чемпиони "Лестер"ни қабул қилди.

Хорха Сампаоли шогирдлари учрашувни ўз назоратлари остида олиб боришди. Улар ҳар иккала бўлимнинг ўрталарида Сарабия ва Корреа томонидан урилган биттадан голлар эвазига "Севилья" ўзи учун қулай ҳисобни юзага келтирганди. Бироқ 73-дақиқада Варди ҳисобни биттага қисқартириши оқибатида ўйиндаги интрига сақланиб қолди.

Жавоб ўйини Лестер шаҳрида бўлиб ўтади. Чорак финал йўлланмаси тақдири ана шу ўйинда ҳал бўлади.

ЕЧЛ, нимчорак финал, дастлабки ўйин
Севилья Испания – Лестер Англия 2:1 (1:0, 1:1)
Голлар: 1:0 – 25 Сарабия, 2:0 – 62 Корреа, 2:1 – 73 Варди.
Севилья – Рико, Мариано, Рами, Лангле (Каррису, 55), Эскудеро, Нзонзи, Насри, Сарабия, Корреа (Иборра, 63), Витоло, Йоветич.
Лестер – Шмейхель, Симпсон, Морган, Хут, Фукс, Ндиди, Дринкуотер, Муса (Грэй, 58), Марез, Олбрайтон (Амарти, 88), Варди.
Огоҳлантиришлар: Эскудеро (77), Каррису (90).