UYEFA tashkilotining sobiq prezidenti Mishel Platini diskvalifikasiya qilinganidan so‘ng ilk bora futbol o‘yiniga tashrif buyurdi, deb xabar bermoqda AP.
61 yoshli fransiyalik, Yevropa ligasining 1/16 finalidan o‘rin olgan «Sent-Etyen» - «Manchester Yunayted» (0:1) o‘yinini tomosha qilgan. Platini bu klub sharafini 1979-1982 yillarda himoya qilgan.
Avvalroq, mulozim korrupsiyada ayblanib, futboldagi barcha faoliyatdan chetlatilgach, futbol o‘yinlariga bormay qo‘ygandi. Bu holat 2011 yilda FIFA mablag‘laridan 2 million dollar miqdoridagi pul o‘tkazmasi bilan bog‘liq mojarodan so‘ng yuz bergan. Avvaliga uning chetlatilish muddati sakkiz yilga teng edi, biroq keyinchalik sud jarayonida muddat ikki baravarga qadar qisqartirildi. Platinidan korrupsiya bilan bog‘liq ayblovlar olib tashlandi, biroq u FIFAning ahloq kodeksidagi boshqa qoidabuzarliklarda aybdor deb topildi. Fransiyalik mulozim hech qanday taqiq yo‘qligiga qaramay, Yevro-2016dagi birorta o‘yinga kelmadi.
