«Yuventus» himoyachisi Dani Alves qishda Barselonaga qaytmoqchi edi.
Mundo Deportivo xabariga ko‘ra, 33 yoshli futbolchi Turindagi hayotga va iqlimga moslashib ketolmagan va «Barselona» rahbariyati bilan bir necha marta bog‘lanib, klubga qaytish niyati borligini ma’lum qilgan. Ammo «blaugranas» rahbariyati unga klubdagi faoliyati yakunlanganini eslatib, rad javobini bergan.
Eslatib o‘tamiz, Dani Alves «Yuventus» klubiga 2016 yil yozda bepul o‘tgan edi. Uning «Yuventus» bilan tuzgan shartnomasi yana bir yil amal qiladi.
