Xitoy rahbari Si Szinpin, 2050 yilda mamlakat terma jamoasini jahon chempionatida g‘olib chiqishi uchun barcha chora-tadbirlarni ko‘rish haqida topshiriq berdi.
AS xabariga ko‘ra, Xitoy bundan buyon o‘z futbolchilarini tarbiyalashga katta e’tibor qaratadi va 2025 yilgacha 50 mln yosh futbolchini yetishtirib chiqaradi. Mamlakatda «Guanchjou Evergrand» klubining akademiyasi andozasidan foydalanib, minglab futbol maktablari barpo qilinadi.
Bu rejaga izoh berarkan, Xitoy futbol federasiyasi vise-prezidenti Vong Denfeng: «Bu terma jamoamiz uchun iqtidorlarni yetishtirib beradigan juda yaxshi loyihadir» - dedi.
