Хитой раҳбари Си Цзиньпин, 2050 йилда мамлакат терма жамоасини жаҳон чемпионатида ғолиб чиқиши учун барча чора-тадбирларни кўриш ҳақида топшириқ берди.
AS хабарига кўра, Хитой бундан буён ўз футболчиларини тарбиялашга катта эътибор қаратади ва 2025 йилгача 50 млн ёш футболчини етиштириб чиқаради. Мамлакатда «Гуанчжоу Эвергранд» клубининг академияси андозасидан фойдаланиб, минглаб футбол мактаблари барпо қилинади.
Бу режага изоҳ бераркан, Хитой футбол федерацияси вице-президенти Вонг Денфенг: «Бу терма жамоамиз учун иқтидорларни етиштириб берадиган жуда яхши лойиҳадир» - деди.
