"Yuventus" hujumchisi Gonsalo Iguain Sky Sport Italia nashriga intervyu berdi.
"Real"ga o‘tish? Bu mening hayotimda muhim tajriba bo‘lgan. Men juda yosh edim, "River Pleyt"da o‘ynay boshlaganimga uncha ko‘p bo‘lmagandi va bunday klub meni o‘z safiga chorlashini o‘ylamagan edim.
Jamoaga yangi kelib qo‘shilguningcha, nimalar bo‘lishini tasavvur qila olmaysan. Ota-onam mendan "Endi sen "Real" o‘yinchisi bo‘lganingni tushunyapsanmi?" deb so‘rashar, men buni oxirigacha anglamagan edim.
"Napoli"? Bu men uchun o‘zgacha safar bo‘lai qoladi. Men bu shahar, bu stadionda uch yil umr kechirganman. Madridni tark etayotganimda, qaysi buyuk klubga o‘tishim haqida o‘ylandim, meni "Napoli" chorlagan va men akamga "Ketdik" dedim. Har doim aytib kelayotganimday, Neapolda uchta mo‘jizaviy yilni o‘tkazdim. Bu hamma futbol bilan yashaydigan buyuk shahar. Men har doim bu jamoa muxlislariga, jamoadoshlarimga, murabbiylar va do‘stlarimga minnatdorchilik bildiraman, chunki Neapolda yashashdan zavq olganman.
U yerdan bu buyuk klubga o‘tdim va bundan afsuslanmayman.
Endi o‘z qarorimga to‘la ishonch hosil qilyapman. Men baxtiyorman, o‘yinchi sifatida o‘sayotganimni his qilyapman. Menga yangi turmush tarzi yoqyapti. Bu yerda muhit osudaroq va bu futbolchi uchun juda muhim", - deydi Iguain.
