Luis Enrikening "Barselona"dagi sargizashtlari bu yil yakunlanishi haqidagi xabarlar ketma-ketligi tinmayapti. Biz ushbu murabbiyning "Barcelona" boshqaruvidagi alamli mag‘lubiyatlariga to‘xtalib o‘tmoqchimiz.

1. Ispaniya chempionati-2014/15. 9-tur
"Real Madrid" - "Barcelona" 3:1
Luis Enrikening "Barcelona"dagi rasmiy o‘yinlardagi ilk mag‘lubiyati "Real" bilan o‘yinga to‘g‘ri keldi. Dastlabki 8 o‘yinda 7 g‘alaba, 1 durang qayd etib, o‘z darvozasidan birorta ham gol o‘tkazib yubormagan kataloniyaliklarni "qirollik klubi" to‘xtatdi. Hammasi Enrike shogirdlari uchun yaxshi boshlandi. 4-daqiqadayoq Neymar hisobni ochgan edi. Biroq shundan so‘ng madridliklar Ronaldu, Pepe va Benzemaning gollari evaziga irodali g‘alabani qo‘lga kiritishdi.

2. Ispaniya chempionati-2014/15. 10-tur
"Barcelona" - "Selta" 0:1
"Real"dan uchralgan mag‘lubiyatdan so‘ng "Barsa" o‘ziga kela olmadi. Keyingi turda klub kutilmaganda "Kamp Nou"da "Selta"dan yengildi. Larriveyning yagona goliga MSN triosi ham boshqalar ham javob qaytara olishmadi. Shu tariqa, Enrike "Kamp Nou"dagi ilk mag‘lubiyatni qabul qilib oldi.

3. CHL-2014/15. 2-tur
PSJ - "Barcelona" 3:2
Enrike "Barca"dagi ilk mavsumida 60 o‘yinning 6 tasidagina yutqazdi. Alamli mag‘lubiyatlardan biri PSJga qarshi o‘yinda ham ro‘y berdi. Prijliklar shu kuni kataloniyaliklarga qaraganda ancha omadli chiqishdi. Messi va Neymarning gollari jamoaga ochko olib kelmadi.

Davomi >>