Луис Энрикенинг "Барселона"даги саргизаштлари бу йил якунланиши ҳақидаги хабарлар кетма-кетлиги тинмаяпти. Биз ушбу мураббийнинг "Барcелона" бошқарувидаги аламли мағлубиятларига тўхталиб ўтмоқчимиз.

1. Испания чемпионати-2014/15. 9-тур
"Реал Мадрид" - "Барcелона" 3:1
Луис Энрикенинг "Барcелона"даги расмий ўйинлардаги илк мағлубияти "Реал" билан ўйинга тўғри келди. Дастлабки 8 ўйинда 7 ғалаба, 1 дуранг қайд этиб, ўз дарвозасидан бирорта ҳам гол ўтказиб юбормаган каталонияликларни "қироллик клуби" тўхтатди. Ҳаммаси Энрике шогирдлари учун яхши бошланди. 4-дақиқадаёқ Неймар ҳисобни очган эди. Бироқ шундан сўнг мадридликлар Роналду, Пепе ва Бенземанинг голлари эвазига иродали ғалабани қўлга киритишди.

2. Испания чемпионати-2014/15. 10-тур
"Барcелона" - "Селта" 0:1
"Реал"дан учралган мағлубиятдан сўнг "Барса" ўзига кела олмади. Кейинги турда клуб кутилмаганда "Камп Ноу"да "Селта"дан енгилди. Ларривейнинг ягона голига МСН триоси ҳам бошқалар ҳам жавоб қайтара олишмади. Шу тариқа, Энрике "Камп Ноу"даги илк мағлубиятни қабул қилиб олди.

3. ЧЛ-2014/15. 2-тур
ПСЖ - "Барcелона" 3:2
Энрике "Барcа"даги илк мавсумида 60 ўйиннинг 6 тасидагина ютқазди. Аламли мағлубиятлардан бири ПСЖга қарши ўйинда ҳам рўй берди. Прижликлар шу куни каталонияликларга қараганда анча омадли чиқишди. Месси ва Неймарнинг голлари жамоага очко олиб келмади.

Давоми >>