Farg‘onaning “Neftchi” klubi darvozaboni Sergey Smorodin faoliyatini Ukrainaning “Chernomores Odessa” jamoasida davom ettiradi.
O‘z vaqtida O‘zbekiston o‘smirlar terma jamoasida ham to‘p surgan iste’dodli darvozabon farg‘onaliklar tarkibida bir qator ishonchli mavsumlarni o‘tkazdi. “Neftchi” PFK o‘z safida faoliyat olib borayotgan va o‘z tarbiyalanuvchilarining xar birini yuqori darajadagi top jamoalar tarkibida o‘ynash tarafdori hamda bu g‘oyani qo‘llab-quvvatlaydi. Sergey Smorodinga Ukraina klubidan xar taraflama foydali va qulay bo‘lgan taklif kelib tushdi. “Neftchi” PFK darvozabonga ushbu jamoaning bir qator yig‘inlarida ishtirok etish imkoniyatini yaratib berdi hamda Smorodin “Chernomores Odessa” ko‘rigidan muvaffaqiyatli tarzda o‘tdi. Endilikda o‘zbekistonlik vakilimiz Ukraina futbolida o‘z omadini sinab ko‘radi.
Sergey Smorodinni Yevropadagi faoliyati orqali darvozabon sifatida yanada o‘sishi uchun “Neftchi” PFK murabbiylar shtabi uni “Chernomores Odessa”ga o‘tishiga rozilik bildirishdi. Umid qilamizki, Sergey ukrainaliklar safida o‘z professional darajasini yanada o‘stiradi va O‘zbekiston MTJga munosib ijrochi bo‘lib yetishadi.
