«Real» rahbariyati Ispaniya professional futbol ligasiga o‘yinlari translyasiyasi borasida shikoyat qiladi.

Marca xabariga ko‘ra, o‘yinlarda «Real»ning zarariga, raqiblarning esa foydasiga ishlaydigan holatlar takroriy lavhalarda ko‘proq namoyish qilinmoqda. Va aksincha, raqib zarariga ishlaydigan bahsli holatlarning takroriy lavhalari ko‘rsatilmayapti.

Xususan, «Barselona» (1:1) va «Vilyarreal»ga (3:2) qarshi o‘yinlarda shunday holatlar yuz bergan. Unda hakamlarning ba’zi qarorlari bahs munozaraga sabab bo‘lgan edi.