Ushbu haftada qit’amizning klublar miqyosidagi eng nufuzli turniri sanaladigan Osiyo Chempionlar Ligasida 2-tur uchrashuvlari bo‘lib o‘tdi.
2-tur doirasida mamlakatimizning amaldagi chempioni – “Lokomotiv” BAAning “Ali Ahliy” jamoasini 2:0 hisobida mag‘lub etishga muvaffaq bo‘ldi. Mazkur uchrashuvda “Temiryo‘lchilar”ning g‘alabasiga jamoaning tajribali darvozaboni Ignatiy Nesterov ham munosib xissa qo‘sha oldi.
Bugun qit’a futbol uyushmasi rasmiy saytida 2-tur ramziy jamoasi e’lon qilindi. Quvonarli jihati shundaki, milliy terma jamoamizning ko‘p yillik a’zosi sanaluvchi Nesterov OCHL-2017 2-tur ramziy jamoasidan o‘rin oldi.
