Afsonaviy futbolchi Pelening farzandi, Pele Edinyo sud yangi apellyasiya​ni ko‘rib chiqishiga qadar, ozodlikka chiqarildi. Bu haqda “Globe”​ nashri xabar bergan.
 
Gap shundaki, 2014 yil yoz oylarida Edinyo noqonuniy pul yuvish va narkobiznesga aloqadorlikda ayblanib, unga nisbatan jinoiy ish qo‘zg‘atilgan. O‘sha payt, sudning birinchi qaroriga ko‘ra, u 33 yillik qamoq jazosiga mahkum etilgan edi. Hukmdan norozi Pele ishni qayta ko‘rib chiqishlarini iltimos qiladi. Ikkinchi qarorga ko‘ra, Edinyo 12 yil va 10 oy qamoq jazosini o‘tashi lozim bo‘lgan.
 
Edinyo 23 fevral kuni Santos shahridagi polisiya mahkamasiga belgilangan muddatni o‘tash uchun kirib kelgan. An’anaga muvofiq, u yana aybsiz ekanligini da’vo qilmoqda.
 
“Men karaxt holatidaman, axir hech qanday ayb ish qilmagan edim. Men bajarmagan jinoyatlarda ayblanmoqdaman”, deydi Pele.
 
Ma’lumot uchun, sobiq futbolchining o‘g‘li Edinyo ham maydonda to‘p surgan. U 1999 yil professional faoliyatini yakunlashga majbur bo‘lgan.