Angliya premyer-ligasi fevral oyi uchun eng yaxshi murabbiy va futbolchi nomiga nomzodlar ro‘yxatini e’lon qildi. Bu haqida liga rasmiy sayti xabar bermoqda

Murabbiylar o‘rtasida to‘rt mutaxassis davogarlik qilmoqda: Antonio Konte («Chelsi») – 2 g‘alaba, 1 durang; Joze Mourinyu («Manchester Yunayted») – 2 g‘alaba, 1 durang; Xosep Gvardiola («Manchester Siti») – 3 g‘alaba va Toni Pyulis («Vest Bromvich Albion») – 2 g‘alaba, 1 durang. Ta’kidlash joiz, Antonio Konte oktyabr, noyabr va dekabr oylarining eng yaxshi murabbiyi deb topilgan..

Futbolchilar orasida oyning eng yaxshisi bo‘lishga olti o‘yinchi davogar: Romelu Lukaku («Everton») – 4 o‘yin, 5 gol; David Silva («Manchester Siti») – 3 o‘yin, 1 gol; Gabriel Jezus – 3 o‘yin, 3 gol, 1 pas; Garet Makauli («Vest Bromvich Albion») – 3 o‘yin, 2 gol; Eldin Yakupovich («Xall Siti») – 4 o‘yin, 3 o‘tkazib yuborilgan gol, 2 "quruq" o‘yin; Garri Keyn («Tottenhem Xotspur») — 3 o‘yin, 4 gol, 1 pas.

Ovoz berish 10 mart kuni nihoyasiga yetadi.