Англия премьер-лигаси февраль ойи учун энг яхши мураббий ва футболчи номига номзодлар рўйхатини эълон қилди. Бу ҳақида лига расмий сайти хабар бермоқда

Мураббийлар ўртасида тўрт мутахассис давогарлик қилмоқда: Антонио Конте («Челси») – 2 ғалаба, 1 дуранг; Жозе Моуринью («Манчестер Юнайтед») – 2 ғалаба, 1 дуранг; Хосеп Гвардиола («Манчестер Сити») – 3 ғалаба ва Тони Пьюлис («Вест Бромвич Альбион») – 2 ғалаба, 1 дуранг. Таъкидлаш жоиз, Антонио Конте октябрь, ноябрь ва декабрь ойларининг энг яхши мураббийи деб топилган..

Футболчилар орасида ойнинг энг яхшиси бўлишга олти ўйинчи давогар: Ромелу Лукаку («Эвертон») – 4 ўйин, 5 гол; Давид Сильва («Манчестер Сити») – 3 ўйин, 1 гол; Габриэл Жезус – 3 ўйин, 3 гол, 1 пас; Гарет Макаули («Вест Бромвич Альбион») – 3 ўйин, 2 гол; Элдин Якупович («Халл Сити») – 4 ўйин, 3 ўтказиб юборилган гол, 2 "қуруқ" ўйин; Гарри Кейн («Тоттенҳэм Хотспур») — 3 ўйин, 4 гол, 1 пас.

Овоз бериш 10 март куни ниҳоясига етади.