«Paxtakor» yarimhimoyachisi Sherzod Karimov Oliy liga 1-turidan o‘rin olgan «Qizilqum» (3:1) klubiga qarshi o‘yindan so‘ng, o‘z fikrlari bilan o‘rtoqlashdi.
«Bu o‘yinga yaxshi tayyorgarlik ko‘rgandik. Chempionat endi boshlangani sababli, birinchi bo‘limda o‘yinimiz biroz qovushmadi. Ikkinchi bo‘limda esa yaxshiroq harakat qilib, hujumlar uyushtirdik va kerakli natijaga erishdik.
«Qizilqum» bu mavsumda tajribali futbolchilarni to‘plabdi. Biz ularning o‘yinini o‘rganib chiqqan edik va shunga yarasha tayyorgarlik ko‘rdik.
«Paxtakor» o‘z oldiga doimo yuqori maqsadlarni qo‘yadi. Bu yil ham yuqori o‘rinlardan birini egallab, Osiyo chempionlar ligasiga qaytishni maqsad qilganmiz» - dedi Sherzod Karimov Sport TV efirida.
