«Пахтакор» яримҳимоячиси Шерзод Каримов Олий лига 1-туридан ўрин олган «Қизилқум» (3:1) клубига қарши ўйиндан сўнг, ўз фикрлари билан ўртоқлашди.
«Бу ўйинга яхши тайёргарлик кўргандик. Чемпионат энди бошлангани сабабли, биринчи бўлимда ўйинимиз бироз қовушмади. Иккинчи бўлимда эса яхшироқ ҳаракат қилиб, ҳужумлар уюштирдик ва керакли натижага эришдик.
«Қизилқум» бу мавсумда тажрибали футболчиларни тўплабди. Биз уларнинг ўйинини ўрганиб чиққан эдик ва шунга яраша тайёргарлик кўрдик.
«Пахтакор» ўз олдига доимо юқори мақсадларни қўяди. Бу йил ҳам юқори ўринлардан бирини эгаллаб, Осиё чемпионлар лигасига қайтишни мақсад қилганмиз» - деди Шерзод Каримов Спорт ТВ эфирида.
