Urugvay terma jamoasi hujumchisi Luis Suares JCH-2014 musobaqasida Italiya termasi himoyachisi Jorjio Kyellinini bilan bo‘lgan voqeada turmush o‘rtog‘ini aldaganini tan oldi.

"Men Kyellini bilan voqeada haqiqatni aytmay, Sofiyani xafa qilgan edim. U mendan Kyellinini tishlaganmiding, deb so‘radi, men bunday bo‘lmagan deb inkor qildim. BU qanday sodir bo‘ldi, o‘zim tushunmayman.

Futbolchini jazolash, diskvalifikasiya qilish kerak. Ammo unga mashg‘ulotlarga borishni, jiyanini mashg‘ulotini kuzatishni taqiqlash... Menimcha bu adolatsizlik edi, bu jazoni tushunmaganman.

Men sovrinlar taqdimoti uchun FIFA shtab-kvartirasiga bormadim va hech qachon u yerga bormayman ham. Menda buni gapirish uchun muammo ham yo‘q", - deydi Suares.

Suares milliy terma jamoaning to‘qqiz o‘yiniga diskvalifikasiya qilingan, bundan tashqari 4 oy futbol faoliyatidan chetlatilgan edi. Kechroq futbol arbitraj sudi (CAS) unga mashg‘ulotlarda va o‘rtoqlik uchrashuvlarida ishtirok etishga ruxsat berdi.