Уругвай терма жамоаси ҳужумчиси Луис Суарес ЖЧ-2014 мусобақасида Италия термаси ҳимоячиси Жоржио Кьеллинини билан бўлган воқеада турмуш ўртоғини алдаганини тан олди.
"Мен Кьеллини билан воқеада ҳақиқатни айтмай, Софияни хафа қилган эдим. У мендан Кьеллинини тишлаганмидинг, деб сўради, мен бундай бўлмаган деб инкор қилдим. БУ қандай содир бўлди, ўзим тушунмайман.
Футболчини жазолаш, дисквалификация қилиш керак. Аммо унга машғулотларга боришни, жиянини машғулотини кузатишни тақиқлаш... Менимча бу адолатсизлик эди, бу жазони тушунмаганман.
Мен совринлар тақдимоти учун ФИФА штаб-квартирасига бормадим ва ҳеч қачон у ерга бормайман ҳам. Менда буни гапириш учун муаммо ҳам йўқ", - дейди Суарес.
Суарес миллий терма жамоанинг тўққиз ўйинига дисквалификация қилинган, бундан ташқари 4 ой футбол фаолиятидан четлатилган эди. Кечроқ футбол арбитраж суди (CAS) унга машғулотларда ва ўртоқлик учрашувларида иштирок этишга рухсат берди.
