8 mart kuni soat 00:45da Chempionlar ligasidan o‘rin olgan “Napoli” – “Real Madrid” o‘yini o‘tkaziladi.

Neapoldagi “San Paolo” stadionida o‘tadigan bellashuvni turkiyalik hakam Junayt Chaqir boshqaradi.

Birinchi uchrashuvda “Real” 3:1 hisobida g‘alaba qozongan.

Fevral oyining o‘rtasida bo‘lib o‘tgan “Santyago Bernabeu”dagi bahsni “Napoli” muvaffaqiyatli boshlagan edi. Lorenso Insinyening golidan so‘ng oldinga o‘tib olgan neapolliklar asosiy vaqt yakunlanguncha o‘z darvozasidan uchta to‘p olib chiqishga ham ulgurishdi.

Shundan buyon Maurisio Sarri shogirdlari A seriyada yana uchta o‘yin o‘tkazishdi. “Kevo”(3:1), “Atalanta”(0:2) va “Roma”(2:1). Turnir jadvalida esa “Napoli” uchinchi pog‘onani egallab turibdi. Jamoa shuningdek Italiya kubogining ½ finalida “Yuventus”ga 1:3 hisobida mag‘lub bo‘ldi. Bo‘lajak bahsda Sarri o‘z shogirdi Lorenso Tonelli hizmatidan foydalana olmaydi.

“Real Madrid” birinchi bahsdan so‘ng yetarlicha ustunlikka ega bo‘lib turibdi. Zidan shogirdlarini o‘z maydonida o‘tkazib yuborilgan gol ham ularning o‘yiniga salbiy tasir o‘tkaza olmadi. Ispaniya chempionatida esa “qaymoqlilar” xatolardan qocha olishmayapti.

“Napoli”ga qarshi o‘yindan so‘ng, “Real” “Valensiya”dan 1:2 hisobida mag‘lubiyatga uchradi va o‘z maydonida “Las Palmas”bilan ochko bo‘lishishga majbur bo‘ldi. Biroq “Espanyol” (2:0), “Vilyarreal” (3:2) va “Eybar”(4:1) klublarini mag‘lubiyatga uchratdi. Turnir jadvalida esa klub peshqadamlikni ashaddiy raqibi “Barselona”ga topshirib qo‘ydi. Bo‘lajak bahsda Krishtianu Ronaldu jarohatdan forig‘ bo‘lib maydonga tushishga tayyor ekanligi aytilmoqda. Biroq Rafael Varan va Fabiu Koentrauning maydonga tushishi so‘roq ostida.

Eslatib o‘tamiz, Uzreport TV bu o‘yinni jonli efirda namoyish qiladi.