Yevropa Chempionlar ligasining chorak finali yo‘lida bugun — 7 mart kuni ikkita uchrashuv bo‘lib o‘tadi. Neapolda «Napoli» Madridning «Real» klubini qabul qilsa, «Bavariya» futbolchilari «Arsenal» bilan o‘yin uchun Londonga tashrif buyuradi.
Har ikki bellashuv bir paytda — Toshkent vaqti bilan 00:45 da start oladi. Shundan kelib chiqib, Chempionlar ligasi o‘yinlarini O‘zbekiston hududida translyasiya qilish huquqini qo‘lga kiritgan UzReport jonli efir uchun ulardan birini tanlashi kerak bo‘ladi.
Mazkur jamoalarning 15 fevral kuni bo‘lib o‘tgan dastlabki to‘qnashuvi vaqtida UzReport «Bavariya» — «Arsenal» o‘yiniga e’tibor qaratgandi. Javob o‘yinida esa shuning aksi bo‘ladi va «Napoli» — «Real Madrid» uchrashuvi to‘g‘ridan-to‘g‘ri ko‘rsatiladi.
Ma’lumot uchun, «Real» o‘z maydonida «Napoli» ustidan 3:1 hisobida zafar quchgan bo‘lsa, «Arcenal» Myunxenda «Bavariya»dan 1:5 hisobida yengilgandi.
