O‘zbekiston Birinchiligida ishtirok etadigan, Nurali Sultonov boshchiligidagi "Nasaf-2" jamoasi yangi mavsum tayyorgarliklarini birinchi bosqichini yakunladi va qisqa ta’tilga chiqdi.

Tayyorgarliklarning birinchi bosqichida e’tibor asosan futbolchilarning jismoniy tayyorgarliklariga qaratildi. Tayyorgarlik mashg‘ulotlarining ikkinchi bosqichi bir haftadan so‘ng davom ettiriladi. Navbatdagi bosqichda endi e’tibor texnik va taktik jarayonga qaratiladi.

Futbolchilar 3 mart kuni tibbiy ko‘rikdan ham o‘tishdi. Nurali Sultonovga bu yildan Nasim Shoyimov yordam beradi.

Jamoa bu yilgi birinchilikning dastlabki ikki turini safarda o‘tkazadi. Dastlabki tur uchrashuvini 1 aprel kuni Uychining "Xotira-79" jamoasiga qarshi o‘tkazsa, 4 aprel kuni o‘tkaziladigan 2-tur uchrashuvida Toshkentning "Lokomotiv-BFK" jamoasi bilan bahs yuritadi.