Siz "Barselona"ni yoqtirasizmi, yoqtirmaysizmi, unga muxlismisiz, yo‘qmi - kechagi g‘alabani e’tirof etish va bu jamoaga tan berish lozim va lobud. Hakamning yo‘q penaltini o‘ylab topgani-yu, ko‘p vaqt qo‘shib bergani haqidagi gaplar hech narsani o‘zgartirmaydi. "Barsa" mana shu g‘alabaga loyiq edi - o‘yini bilan, ishtiyoqi bilan va eng asosiysi, g‘ururi bilan.
Yana bir jihat: menimcha, hisob 4:0 bo‘lganida va qo‘shimcha taymda "Barsa" yutganida yoki asosiy vaqtning o‘zida 5:0 bo‘lganida kechagi g‘alabaning, kambekning tafti, eyforiyasi bunchalik bo‘lmasdi. Barsa kecha "2 in 1" - ikkita kambek qildi. Kavanining golidan keyin istalgan jamoa singan bo‘lardi, taxminimcha. Hatto boshqa paytdagi "Barsa" ham sinardi. Ammo kechagi "Barsa" emas! "Barselona" futbolchilari o‘zlaridan nimaiki lozim bo‘lsa qilishdi va taqdirlanishdi. PSJ mag‘lub bo‘lish uchun nimaiki lozim bo‘lsa qildi va "taqdirlandi".
YECHL tarixidagi uch buyuk kambekdan biri mualliflari va ularning muxlislari - sizni tabriklayman! Buyuk jamoaning buyuk davridagi buyuk g‘alabalariga guvoh bo‘lib yashayotganingiz - bu zo‘r!
Bobur AKMALOV
"Oriat Dono" (FM 106.5) radiokanali jurnalisti
