Futbol bo‘yicha O‘zbekiston Oliy ligasining 2-turidan joy olgan uch bellashuv 8 mart — chorshanba kuni bo‘lib o‘tgandi. Bugun — 9 mart kuni yana ikki bellashuv o‘z yakuniga yetdi.
«Olmaliq» maydoniga safar uyushtirgan mamlakat vise-chempioni «Bunyodkor» 90 daqiqa davomida raqib darvozasiga yo‘l topa olmadi — 0:0. Olmaliqliklar ilk turda Buxoroda 0:1 hisobida yengilgan bo‘lsa, «qaldirg‘ochlar» o‘z maydonida «So‘g‘diyona»dan shu hisobda ustun kelgandi.
Qarshining «Nasaf» klubi esa ketma-ket ikkinchi bor 2:1 hisobida zafar quchdi. Mavsumni Qo‘qondagi g‘alaba bilan boshlagan Ro‘ziqul Berdiyev jamoasi, bu safar «Buxoro»ni taslim qildi.
Bellashuvda «Nasaf»ga g‘alaba keltirgan gol legioner Dragan Cheran tomonidan kiritildi. U Qo‘qonda ham o‘z nomiga gol yozib qo‘ygandi. Shuningdek, «Nasaf»ning Bahrayn chempioniga qarshi o‘yinida ham gol urishga erishgandi.
O‘zbekiston Oliy ligasi
2-tur
9 mart, payshanba
Gollar: Dragan Cheran, 17 (1:0). Kirill Pasichnik, 21-avt (2:0). Ivor Veyser, 82 (2:1).
«Olmaliq» — «Bunyodkor» 0:0
