Hokkey bo‘yicha Norvegiya chempionati pley-offidan o‘rin olgan «Storxamar» - «Sparta» o‘yinida dunyo rekordi yangilandi.
Mahalliy vaqt bilan soat 18-00da boshlangan o‘yin tungi 2:32da yakuniga yetdi. Jamoalar umumiy hisobda darvozalar tomon 189 zarba yo‘lladi.
O‘yin 217 daqiqa 14 sekund davom etdi va unda deyarli 11 bo‘lim o‘ynaldi. Asosiy vaqt 1:1 hisobida yakunlangach, jamoalar 20 daqiqalik yana 8ta qo‘shimcha bo‘limda maydonga tushdi. Uchrashuvda «Storxarm» 2:1 hisobida g‘alaba qozondi.
Bundan oldingi rekord 1936 yilda, «Detroyt» - «Monreal Maruns» o‘yinida qayd etilgan bo‘lib, yangi rekorddan 40 daqiqaga kamroq edi.
