Ҳоккей бўйича Норвегия чемпионати плей-оффидан ўрин олган «Сторхамар» - «Спарта» ўйинида дунё рекорди янгиланди.

Маҳаллий вақт билан соат 18-00да бошланган ўйин тунги 2:32да якунига етди. Жамоалар умумий ҳисобда дарвозалар томон 189 зарба йўллади.

Ўйин 217 дақиқа 14 секунд давом этди ва унда деярли 11 бўлим ўйналди. Асосий вақт 1:1 ҳисобида якунлангач, жамоалар 20 дақиқалик яна 8та қўшимча бўлимда майдонга тушди. Учрашувда «Сторхарм» 2:1 ҳисобида ғалаба қозонди.

Бундан олдинги рекорд 1936 йилда, «Детройт» - «Монреаль Марунс» ўйинида қайд этилган бўлиб, янги рекорддан 40 дақиқага камроқ эди.