“Manchester Yunayted” bosh murabbiyi Joze Mourinyo “Rostov”ga qarshi YEL 1/8 final o‘yini vaqtida klub himoyachisi Markos Roxoga banan berdi.
Argentinalik futbolchi portugaliyalik mutaxassisdan bananni olib, maydonda uni yedi. O‘yindan keyin Mourinyo bunga tushuntirish berdi.
“Agar umringizda charchoq alomatlarini sezgan bo‘lsangiz, organizm nimani talab qilishini bilishingiz kerak. Roxo banan so‘radi va bu kulguli emas. Bu futbolchiga hurmat bilan qarash kerak”, – dedi Mourinyo.
Eslatib o‘tamiz, “MYU” ikki o‘yin natijasiga ko‘ra (2:1) “Rostov”ni mag‘lubiyatga uchratib, Yevropa Ligasi chorak finaliga yo‘l oldi.
