"Manchester Siti" bosh murabbiyi Xosep Gvardiola yozda jamoani o‘yinchilarning katta guruhi tark etishi va yangi transferlar uchun 200 mln funt sarflanishi haqidagi xabarlarni inkor qildi
"Chempionlar ligasini tark tganimizdan so‘ng mish-mishlar urchidi - bu oddiy holat. Kelgusi mavsumga hozir ixtiyorimizda bo‘lgan ko‘p futbolchilar bilan kuchaymoqchimiz. Mish-mishlarga ko‘ra, biz 12 yo 13 futbolchi bilan xayrlashamiz ekan. Sizlarni ishontirib aytaman - buning iloji yo‘q.
Buning uchun biz har bir yangi o‘yinchi uchun 40-50 mln funt sarflashimiz kerak. Ya’ni, transferlar uchun 500 yoki 600 mln funt sarflashimiz kerak. Buning iloji yo‘q", - deydi Gvardiola.
