«Barselona» bosh murabbiyi Luis Enrike jamoa yarim himoyachisi Andres Inyesta bilan shartnomani uzaytirish borasida olib borilayotgan muzokaralar haqida o‘z fikrini bildirib o‘tdi.
«Inyesta nima deyotgan bo‘lsa, unga ishonish kerak. Futbolchilikni yakunlar ekansan, senda ikkita variant bo‘ladi: yo "Barselona"da faoliyatingni tugatasan, yoki Xavi kabi boshqa jamoada o‘z omadingni sinab ko‘rishing mumkin. O‘zining kelajagi borasida qarorni Andresning o‘zi qabul qiladi», — dedi Enrike.
Inyestaning «Barselona» bilan amaldagi shartnomasi 2018 yilning yozida yakuniga yetadi. Avvalroq 32 yoshli futbolchi kataloniyaliklar bilan shartnomani yana 2 yilga uzaytirishi mumkinligi haqida xabar tarqatilgandi.