Angliya Premyer-ligasining 26-turi doirasida o‘tkazilishi kerak bo‘lgan, ammo boshqa muddatga qoldirilgan "Manchester Siti" va "Manchester Yunayted" jamoalari o‘rtasidagi o‘yin kuni belgilandi.

Uchrashuv rasman 27 aprel kuni "Etihad" stadionida o‘tkaziladigan bo‘ldi. O‘yin Toshkent vaqti bilan 00:00da start oladi.

Eslatib o‘tamiz, Manchester derbisi 26 fevral kuni bo‘lib o‘tishi kerak edi, ammo "qizil iblislar"ning Angliya liga kubogi finalidagi o‘yini tufayli keyinroqqa qoldirilgan.

Mazkur ko‘chirilgan o‘yin tufayli "MYU"ning aprel oyidagi tavqvimi juda tig‘iz ko‘rinishga keldi. Joze Mourinyo jamoasi 30 kun ichida 9ta o‘yin o‘tkazadi.

"Manchester Yunayted"ning aprel oyidagi taqvimi:

1 aprel. "MYU" – "Vest Bromvich" (APL, 30-tur)
4 aprel. "MYU" – "Everton" (APL, 31-tur)
9 aprel. "Sanderlend" – "MYU" (APL, 32-tur)
13 aprel. "Anderlext" – "MYU" (Evropa ligasi, chorak final, dastlabki o‘yin)
16 aprel. "MYU" – "Chelsi" (APL, 33-tur)
20 aprel. "MYU" – "Anderlext" (Evropa ligasi, chorak final, javob o‘yini)
23 aprel. "Byornli" – "MYU" (APL, 34-tur)
27 aprel. "Manchester Siti" – "MYU" (APL, 35-tur)
30 aprel. "MYU" – "Suonsi" (APL, 36-tur)