“Chelsi” jamoasi bosh murabbiyi Antonio Konte APL 29-turidan o‘rin olgan “Stok Siti” (2:1) klubiga qarshi o‘yindagi g‘alabadan so‘ng o‘z fikrlarini aytdi.
“Chelsi” mentaliteti doimo shunday bo‘lishi kerak. Bu buyuk jamoa, shu sabab biz har bir bahsda g‘olib chiqishimiz shart. O‘ylashimcha, agar chempionatni yutishni xohlasak, o‘rtamiyona va autsayderlarga mag‘lub bo‘lmaslik kerak. Asosiysi g‘alabali yurishni saqlab qolish. G‘oliblik mentaliteti aynan shunda namoyon bo‘ladi.
Biz juda muhim g‘alabani qo‘lga kiritdik va men shunday qiyin o‘yinda qo‘lga kiritilgan g‘alabani futbolchilar hamda muxlislar bilan bo‘lishmoqchiman. Mening o‘yinchilarim men xohlagan futbolni va men xohlagan o‘yin falsafasini to‘g‘ri tushinishadi. Shubhasiz, biz ajoyib o‘yin namoyish etmoqdamiz.
Men o‘z shogirdlarimga mana shunday mehnati uchun tashakkur aytmoqchiman. Ular har bir o‘yinda o‘z imkoniyatlaridan yuz foiz foydalanmoqda va biz APLni yutishimiz mumkinligini maydonda isbotlayapti. Lekin biz bundan ham yaxshi o‘ynashimiz mumkinligiga ishonaman va biz bundan ham yaxshi o‘ynashimiz kerak”, - dedi Antonio Konte.
Eslatib o‘tamiz, “Chelsi” 69 ochko jamg‘arib, turnir jadvalidagi eng yaqin ta’qibchisi “Tottenhem”dan 10 ochko oldinda bormoqda.
