«Chelsi» xo‘jayini Roman Abramovich bosh murabbiy Antonio Kontening «Inter»ga o‘tishi haqidagi xabarlardan xavotirga tushgan.

Abramovich Konteni saqlab qolish uchun, «Barselona» hujumchisi Neymarni xarid qilish taklfini bergan. Uning shartnomasida ko‘rsatilgan tovon puli 200 mln yevroga teng.

Ammo italiyalik mutaxassis bu transferni amalga oshishiga qarshi chiqqan. Bundan tashqari u o‘z kelajagi haqida o‘ylab olish uchun muxlat so‘ragan. Tuttosport xabariga ko‘ra, Abramovich Kontening istalgan iltimosini ro‘yobga chiqarishga rozi.

Avvalroq, «Inter» Kontega 15 mln yevro maosh taklif qilgani va transferlar uchun 400 mln yevro bermoqchi ekani haqida xabarlar chiqqan edi.