Armaniston terma jamoasi yarimhimoyachisi Genrix Mxitaryan JCH-2018 saralashida Qozog‘iston ustidan qozonilgan g‘alabadan so‘ng (2:0) fikrlarini bildirdi.

Mxitaryan ushbu uchrashuvda birinchi golni urdi.

"O‘zimning jismoniy holatimni baholay olmayman, buni boshqalar qilishi kerak. Men terma jamoaga yordam berish uchun hamma narsa qilaman. Bu ba’zan yaxshi chiqadi, ba’zan yo‘q. Ammo men har doim ham jamoani ortimdan yetaklay olmayman, yigitlar ham ma’suliyatni bo‘ynilariga olib, meni almashtirishlari kerak.

Jamoa birinchi bo‘limda yomon o‘ynamadi, ammo golli vaziyatardan foydalana olmadi. O‘yindan so‘ng kiyinish xonasida xursand bo‘ldik, ammo shodlikdan qichqirmadik. Biz charchadik, ham jismoniy, ham ruhan kuch sarfladik", - deydi Mxitaryan.