Арманистон терма жамоаси яримҳимоячиси Генрих Мхитарян ЖЧ-2018 саралашида Қозоғистон устидан қозонилган ғалабадан сўнг (2:0) фикрларини билдирди.
Мхитарян ушбу учрашувда биринчи голни урди.
"Ўзимнинг жисмоний ҳолатимни баҳолай олмайман, буни бошқалар қилиши керак. Мен терма жамоага ёрдам бериш учун ҳамма нарса қиламан. Бу баъзан яхши чиқади, баъзан йўқ. Аммо мен ҳар доим ҳам жамоани ортимдан етаклай олмайман, йигитлар ҳам маъсулиятни бўйниларига олиб, мени алмаштиришлари керак.
Жамоа биринчи бўлимда ёмон ўйнамади, аммо голли вазиятардан фойдалана олмади. Ўйиндан сўнг кийиниш хонасида хурсанд бўлдик, аммо шодликдан қичқирмадик. Биз чарчадик, ҳам жисмоний, ҳам руҳан куч сарфладик", - дейди Мхитарян.
