«Manchester Yunayted» bosh murabbiyi Joze Mourinyo, JCH-2018 saralash bosqichi doirasidagi Xorvatiya - Ukraina uchrashuviga (1:0) nima sababdan tashrif buyurgani sababini oshkor qildi.
«Uchrashuvga tashrif buyurishimning hech qanday sirli tomoni yo‘q. Shunchaki dam olish kunlarini mazmunli o‘tkazish uchun Predrag Miyatovich va Davor Shuker kabi do‘stlarimni ko‘rgani bordim. Ko‘pchilik bunaqa tashrifni biror-bir futbolchini kuzatish uchun kelgan deb hisoblashini yaxshi bilaman. Ammo bugungi kunda biror futbolchini kuzatish uchun, begona yurtga borib yurishning hojati yo‘q. Men shundoq ham ularni yaxshi bilaman.
Men shunchaki Manchesterning yomg‘irli ob-havosidan so‘ng, yaxshi iqlim sharoitidan zavq olish uchungina Zagrebga tashrif buyurdim», — degan Mourinyo HNTV telekanaliga bergan intervyusida.
