Futbol bo‘yicha xalqaro «Hamdo‘stlik kubogi» musobaqasi qayta tiklanadigan bo‘ldi.
Ozarbayjon futbol federasiyalari assosiasiyasi (AFFA) matbuot xizmati xabariga ko‘ra, yangi musobaqada nafaqat MDH, balki boshqa mamlakat vakillari uchun ham qatnashish imkoniyati beriladi. Joriy mavsumda g‘olib chiqqan mamlakat keyingi turnirni o‘tkazish imkoniyatiga ega bo‘ladi.
Eslatib o‘tamiz, «Hamdo‘stlik kubogi» - Mustaqil davlatlar hamdo‘stligi (MDH) tashkilotiga a’zo mamlakatlarning chempionlari o‘rtasida o‘tkaziladigan musobaqa bo‘lib, 1993 yilda tashkil qilingandi. O‘zbekiston vakillaridan faqat «Paxtakor» klubi 2007 yilda kubokda g‘olib chiqqan edi. Avvalroq, «Hamdo‘stlik kubogi» musobaqasiga bo‘lgan qiziqishning pastligi tufayli tugatilishi haqida xabarlar chiqqan edi.
