Футбол бўйича халқаро «Ҳамдўстлик кубоги» мусобақаси қайта тикланадиган бўлди.
Озарбайжон футбол федерациялари ассоциацияси (АФФА) матбуот хизмати хабарига кўра, янги мусобақада нафақат МДҲ, балки бошқа мамлакат вакиллари учун ҳам қатнашиш имконияти берилади. Жорий мавсумда ғолиб чиққан мамлакат кейинги турнирни ўтказиш имкониятига эга бўлади.
Эслатиб ўтамиз, «Ҳамдўстлик кубоги» - Мустақил давлатлар ҳамдўстлиги (МДҲ) ташкилотига аъзо мамлакатларнинг чемпионлари ўртасида ўтказиладиган мусобақа бўлиб, 1993 йилда ташкил қилинганди. Ўзбекистон вакилларидан фақат «Пахтакор» клуби 2007 йилда кубокда ғолиб чиққан эди. Аввалроқ, «Ҳамдўстлик кубоги» мусобақасига бўлган қизиқишнинг пастлиги туфайли тугатилиши ҳақида хабарлар чиққан эди.
