Butunjahon boks seriyasining (WSB) VII mavsum «C» guruhi 5-turida O‘zbekistonning Uzbek Tigers jamoasi 1 aprel kuni Toshkentda Qozog‘istonning Astana Arlans bokschilariga qarshi bahs olib boradi.
Poytaxtdagi «O‘zbekiston» sport majmuasida o‘tkaziladigan muhim uchrashuvda Uzbek Tigers jamoasi sharafini quyidagi bokschilar himoya qiladi:
-49 kilogramm: Hasanboy Do‘stmatov (Rio–2016 Olimpiya o‘yinlari chempioni);
-56 kilogramm: Abdulhay Shorahmatov (O‘zbekiston chempioni);
-64 kilogamm: Elnur Abduraimov (Jahon chempionati sovrindori);
-75 kilogramm: Isroil Madrimov (Osiyo o‘yinlari kumush medal sovrindori);
+91 kilogramm: Zuhriddin Mahkamov (O‘zbekiston chempioni).
Eslatib o‘tamiz, WSB doirasida Uzbek Tigers 2017 yil hisobidan 4 ta jang o‘tkazdi. O‘zbekistonlik bokschilar avvaliga Xitoyda China Dragons’dan 2:3 hisobida yengilgan bo‘lsa, keyin Qozog‘istonda Astana Arlans’ga 1:4 hisobida imkoniyatni boy bergandi. Toshkentda bo‘lib o‘tgan 3-turda Uzbek Tigers Rossiyaning Patriot Boxing Team jamoasini 5:0 hisobida taslim qilishga erishdi. 4-turda esa O‘zbekiston jamoasi China Dragons’ni 5:0 hisobida yutdi va safardagi mag‘lubiyat uchun revansh oldi.
