Bugun FIFA kengashining byurosi Syurixda yig‘ilish o‘tkazib, JCH-2026 ishtirokchilari sonini qit’alararo taqsimlanishi yuzasidan qaror qabul qildi.
FIFA prezidenti va Konfederasiyalarning 6 nafar prezidentidan iborat byuro 48 jamoa ishtirok etadigan mundilal yo‘llanmalirining taqsimlanishi borasida bir qarorga keldi.
Unga ko‘ra, JCH-2026da yo‘llanmalar quyidagicha taqsimlanadi:
UEFA – 16 terma jamoa,
Afrika (AFK) – 9 terma jamoa,
Osiyo (OFK) – 8 terma jamoa,
Janubiy Amerika (KONMEBOL) – 6 terma jamoa,
Shimoliy va Markaziy Amerika (KONKAKAF) – 6 terma jamoa,
Okeaniya (OFK) – 1 terma jamoa.
Yana 2 yo‘llanma pley-off turnirda o‘ynaladi. Unda UEFAdan tashqari 5 qit’aning har biridan bittadan jamoa va JCH o‘tadigan qit’adan yana bir jamoa ishtirok etadi. Masalan, JCH-2026 Osiyo qit’asida o‘tkazilsa, Osiyo 8+2 ko‘rinishidagi kvotaga ega bo‘ladi.
Bu qaror tasdiqlash uchun FIFAning 9 mayda Bahraynda o‘tkaziladigan kengashiga yuboriladi.
