Ertaga «Navbahor» Samarqanddagi «Dinamo» o‘yingohida mamlakat chempionatining 4-turida «Dinamo» mehmoni bo‘ladi.
Raqiblar Oliy ligada 44 bor to‘qnash kelishgan. 23 uchrashuvda "Navbahor" g‘alabani qo‘lga kiritgan. Samarqandliklar hisobidagi g‘alabalar soni esa 13 tani tashkil etmoqda. Sakkizta uchrashuvda tomonlar murosa ko‘chasini tanlashgan. To‘plar nisbatidagi ko‘rsatkich esa 80:41, "Navbaxor" foydasiga.
O‘zaro uchrashuvlarda gol urish borasida "Navbahor"da to‘p surgan Shuhrat Mirxoldirshoyevning yetakchilik qilayotganligini aytish mumkin. Mirxoldirshoyev 2000 yildan 2009 yilga qadar samarqandliklar darvozasini 8 bor ishg‘ol qilgan.
"Lochinlar"ning ushbu raqib ustidan erishgan eng yirik g‘alabasi 1997 yili qayd etilgan. 20 yil avval "Navbahor" o‘z maydonida "Dinamo"ni 7:1 hisobida tor-mor etgan. E’tiborlisi, "Dinamo" shu paytga qadar biror marotaba ham "lochinlar"ni yirik hisobda taslim eta olmagan.
"Navbahorchilar" so‘nggi bor Samarqanddan 2011 yili g‘alaba bilan qaytishgan. Olti yil avval Ro‘zim Ahmedovning yagona goli jamoamizga safarda uch ochkoni taqdim etgan. Leonid Koshelev, Ivan Nagayev hamda Ro‘zim Ahmedov har ikki klub sharafini turli davrlarda himoya qilib, har ikki jamoa darvozasini ishg‘ol etishga muvaffaq bo‘lishgan. Bundan tashqari Azamat Bobojonov va San’at Shixov ham har ikki jamoada to‘p surishga ulgurishgan.
O‘tgan mavsumni birinchi ligada o‘tkazib yana oliy ligaga qaytgan “Dinamo” jamoasi dastlabki uchta uchrashuvda yuz foizli natija qayd etgan holda musobaqa jadvalida peshqadamlik qilmoqda. Mezbonlar navbatdagi turda ham zafarli yurishlarini davom ettirishga urinib ko‘rishadi.
"Navbahor" esa uchta o‘yinda to‘rt ochko jamg‘argan. Joriy yilgi tarkib mahoratli futbolchilardan tashkil topganligi sababli Samarqandda futbolchilarimiz ijobiy natija qayd etish uchun harakat qilishadi. Yuqoridagi jihatlar “Dinamo” o‘yingohidagi bahsni keskin va murosasiz o‘tishiga zamin yaratadi desak xato bo‘lmaydi.
Samarqanddagi “Dinamo” o‘yingohida soat 16.00da boshlanadigan “Dinamo” va “Navbahor” uchrashuvini toshkentlik Vladislav Seytlin boshqarib boradi. Seytlinga qanotlara qarshilik Artyom Kalinin va buxoroliklik Bobur Qodirov yordam berishadi. Qarshilik Firdavs Norsafarov esa zaxiradagi hakam vazifasini bajaradi. Nazoratchi sifatida navoiylik Shamil Jumayev qayd etilgan bo‘lsa Samarqandga PFL vakili sifatida Bobur Haydarov tashrif buyuradi.
Samarqandda o‘tkazilgan barcha uchrashuvlar natijalari
1992 yil
«Maroqand» - «Navbahor» - 1:1 (1:1).
Gollar: S.Kuzmin (10) – R.Zabirov (06).
1993 yil
«Dinamo» - «Navbahor» - 0:2 (0:2).
Gollar: E.Sakayev (33), Q.Abduqodirov (41).
1995 yil
«Dinamo» - «Navbahor» - 0:2 (0:2).
Gollar: YE.Eraliyev (17), F.Magametov (26).
1996 yil
«Dinamo» - «Navbahor» - 2:3 (0:1).
Gollar: N.Susskiy (55), H.Jabborov (70) - I.SHaripov (18-pen.,75-pen.,76).
1997 yil
«Afrosiyob» - «Navbahor» - 2:1 (0:1).
Gollar: M.Dilmuhamedov (73-avtogol), O.Tillayev (76) – A.Vinnikov (34-pen.).
1999 yil
«Samarqand» - «Navbahor» - 2:1 (0:0).
Gollar: J.Irismetov (52), S.Loshkov (76) – SH.Rahmonqulov (56).
2000 yil
«Samarqand-D» - «Navbahor» - 2:0 (2:0).
Gollar: M.Muhammadiyev (18), O.Usmonxo‘jayev (37).
2001 yil
«Samarqand-D» - «Navbahor» - 3:2 (1:1).
Gollar: SH.Jabborov (44), R.Bozorov (47), A.Jadigerov (83) – U.Mirxoldirshoyev (41), SH.Mirxoldirshoyev (56).
2002 yil
«Samarqand-D» - «Navbahor» - 0:5 (0:4).
Gollar: S.Tursunov (23), R.G‘ofurov (26), X.Karimov (33-pen.), SH.Mirxoldirshoyev (39), M.Usmonov (47).
2003 yil
«Samarqand-D» - «Navbahor» - 1:3 (0:2).
Gollar: YO.Nazarov (68-pen.) - SH.Mirxoldirshoyev (5,83), S.Andreev (40).
2004 yil
«Samarqand-D» - «Navbahor» - 0:3 (0:0).
Gollar: J.Hasanov (57), R.G‘ofurov (64), SH.Mirxoldirshoyev (84).
2005 yil
«Samarqand-D» - «Navbahor» - 1:0 (0:0).
Gol: A.G‘ofurov (88).
2006 yil
«Samarqand-D» - «Navbahor» - 2:0 (0:0).
Gollar: A.Ismoilov (47), B.Nasimov (62).
2007 yil
«Samarqand-D» - «Navbahor» - 3:2 (1:2).
Gollar: Akmal Risqullayev (35-avtogol), F.Tojiyev (57-pen.), I.Rahimov (82) - A.CHerkashin (19), K.Kanin (32).
2008 yil
«Dinamo» - «Navbahor» - 2:0 (1:0).
Gollar: L.Koshelev (43), B.Nasimov (47).
2009 yil
«Dinamo» - «Navbahor» - 2:0 (0:0).
Gollar: I.YUnusov (60), O.Mozgovoy (90).
2010 yil
«Dinamo» - «Navbahor» -1:0 (0:0).
Gol: A.Krikliviy (54).
2011 yil
«Dinamo» - «Navbahor» - 0:1 (0:0).
Gol: R.Ahmedov (56).
2012 yil
«Dinamo» – «Navbahor» - 2:0 (2:0).
Gollar: I. Nagayev (12, pen.), S. Mustafayev (45+1).
2013 yil
«Dinamo» - «Navbahor» - 1:1 (0:0)
Gollar: S.Sayfiyev (78) - G‘.Jo‘rayev (58).
2014 yil
«Dinamo» – «Navbahor» - 2:0 (1:0).
Gollar: S.SHixov (35), G‘.O‘runov (79).
2015 yil
«Dinamo» – «Navbahor» - 2:1 (1:0).
Gollar: I.Mamatkazin (24), K.Murzoyev (79) – SH.Erkinov (75).
