Plyaj futboli bo‘yicha mamlakat terma jamoalarining yangilangan reytingi e’lon qilindi. O‘zbekiston terma jamoasi 169 ochko bilan jahon reytingida 62-o‘rindan joy oldi.
Plyaj futboli bo‘yicha O‘zbekiston termasi avvalgi reytingdagi o‘rniga nisbatan 5 pog‘ona pastladi. Osiyo qit’asi terma jamoalari orasida O‘zbekiston 10-o‘rindan 12-o‘ringa tushib ketdi.
Osiyo futbol konfederasiyasi (OFK)ga a’zo mamlakatlar reytingida Eron termasi 2189 ochko bilan yetakchilik qilayotgan bo‘lsa, Yaponiya (1544) va BAA (1160) kuchli uchlikka kirdi. OFKga a’zo mamlakatlar reytingining dastlabki 15 pog‘onasi quyidagicha ko‘rinish olgan:
1 (5). Eron – 2189 ochko
2 (8). Yaponiya – 1544 ochko
3 (10). BAA – 1160 ochko
4 (13). Ummon – 1108 ochko
5 (20). Livan – 751 ochko
6 (37). Tailand – 460 ochko
7 (40). Xitoy – 375 ochko
8 (43). Bahrayn – 332 ochko
9 (46). Vyetnam – 296 ochko
10 (54). Afg‘oniston – 243 ochko
11 (59). Qatar – 174 ochko
12 (62). O‘zbekiston – 169 ochko
13 (72). Malayziya – 102 ochko
14 (77). Iroq – 96 ochko
15 (85). Laos – 76 ochko
Plyaj futbol bo‘yicha jahon reytingini 3440 ochko bilan Portugaliya terma jamoasi boshqarib bormoqda. Ikkinchi pog‘ona Rossiya (3204) terma jamoasiga tegishli bo‘lsa, Braziliya (3158) termasi kuchli uchlikka yakun yaasagan.
Ma’lumot uchun, mazkur reytingni tuzishda terma jamoalarning 2013 yil aprel oyidan 2017 yil mart oyiga qadar qayd etgan natijalari hisobga olingan.
