Oliy ligadan o‘rin olgan "Lokomotiv" - "Olmaliq" (5:0) o‘yinidan so‘ng, mehmonlar ustozi Viktor Kumikov o‘z fikrlari bilan o‘rtoqlashdi.   "To‘g‘risini aytganda, o‘yin haqida nimadir deyish qiyin. Muxlislarimiz va rahbariyat oldida uyatli holatga tushib qoldik. Bugun ruhiy taraflama raqibga yutqazib qo‘ydik. Jarima zarbalaridan o‘tkazib yuborilgan gollar qimmatga tushdi. Keraksiz joylarda qoidani buzganimiz bizga pand berdi. Raqibning jarima zarbasidan tepgan to‘plari darvoza to‘ridan joy olaverdi. Jamoamiz bugun raqibga psixologik jihatdan mag‘lub bo‘ldi. Futbolchilarimiz o‘z kuchlariga bo‘lgan ishonchni yo‘qotib qo‘yishdi. Ishonchsizlik natijasida o‘yinimiz qovushmadi. Jamoamizda muhit yaxshi. Darvozabon bugun yaxshi o‘yin ko‘rsata olmadi. Akbar To‘rayevni zaxiraga olamanmi? Keyingi o‘yinda o‘ylab ko‘ramiz" - dedi Kumikov.