Олий лигадан ўрин олган "Локомотив" - "Олмалиқ" (5:0) ўйинидан сўнг, меҳмонлар устози Виктор Кумиков ўз фикрлари билан ўртоқлашди.   "Тўғрисини айтганда, ўйин ҳақида нимадир дейиш қийин. Мухлисларимиз ва раҳбарият олдида уятли ҳолатга тушиб қолдик. Бугун руҳий тарафлама рақибга ютқазиб қўйдик. Жарима зарбаларидан ўтказиб юборилган голлар қимматга тушди. Кераксиз жойларда қоидани бузганимиз бизга панд берди. Рақибнинг жарима зарбасидан тепган тўплари дарвоза тўридан жой олаверди. Жамоамиз бугун рақибга психологик жиҳатдан мағлуб бўлди. Футболчиларимиз ўз кучларига бўлган ишончни йўқотиб қўйишди. Ишончсизлик натижасида ўйинимиз қовушмади. Жамоамизда муҳит яхши. Дарвозабон бугун яхши ўйин кўрсата олмади. Акбар Тўраевни захирага оламанми? Кейинги ўйинда ўйлаб кўрамиз" - деди Кумиков.