«Shalke» klubining Ervin laqabli timsoli «Rur derbisi»da o‘ziga xos qilig‘i bilan esda qoldi.

U «Shalke» - «Borussiya»D (1:1) o‘yinini boshqarib borgan Feliks Svayer boshchiligidagi hakamlar brigadasiga qizil kartochka ko‘rsatdi.

Uchrashuvning so‘nggi daqiqalarida hakam dortmundliklar darvozasi tomon penalti belgilamadi va bu mezbonlar tomonidan keskin noroziliklarga sabab bo‘ldi.

Hakam o‘yinni yakunlagach, ikkala jamoa futbolchilari vaziyatni muhokama qilish uchun uni o‘rab olishgandi. Shu payti maydonga tushib kelgan klub timsoli hakamning qizil kartochkasini tortib oldi va darhol uni hakamning o‘ziga ko‘rsatdi.

Endilikda bu mojaro Germaniya futbol Ittifoqi tomonidan ko‘rib chiqilishi mumkin.